නිශ්මං රණසිංහ අප්‍රේල් 03, කොළඹ LNW :
ශ්‍රී ලංකා රගර් ක්‍රීඩාවට අතිශයින් වැදගත් අත්දැකීම් රැසක් එකතුවන කිලෝ ග්‍රෑම් 85 ට අඩු බර ක්‍රීඩකයින් සහභාගිවන නවසීලන්තය සහ ශ්‍රී ලංකාව අතර රග්බි තරගාවලිය ගැන මාධ්‍ය දැනුවත් කිරීමේ උත්සවයක් සිනමන් ග්‍රෑන්ඩ් හෝටලයේදි පවත්වනු ලැබුවා.මේ මොහොතට ශ්‍රී ලංකාව ලෝකයට පවුම් 50000 ක දඩයකට යටත් කිරීමට සම්බන්ධ නිලධාරීන් එකට එක්ව සිටීම නිසා මෙහිදී එම කරුණ ගැන සිඳුවන විවේචන සහිත මාධ්‍යයට එම මාධ්‍ය හමුව ගැන දැන්වීම සඟවා ගෙන සිටියා.
විශේෂයෙන් මේ සිඳුවීමට සම්බන්ධ අයගේ උවමනාවන් ඉටු කිරීම සඳහා වත්මන් අමාත්‍යංශයද කිසිඳු පියවරක් නොගෙන,ඊට උචිත පරිදි ව්‍යහුය සකසා දීමට ව්‍යවස්ථා සංශෝධනයක් හිස මුදුණින් පිළිගෙන තිබෙනවා.එසේ තිබියදී ක්‍රීඩා අමාත්‍යවරයා සිය ආණ්ඩුවේ ඡන්ද දායකයන් පිනවීමට බේබිලාගේ රගර්වල පලයක් ලෙස පවුම් 50000 දඩයට හේතු වූ විදේශිකයන් නිසි ක්‍රමවේදයට පිටින් ශ්‍රී ලංකාවට ක්‍රීඩා කරවීම ගැන හොඳ සද්දෙට පාර්ලිමේන්තුවේදි කතා කරමින් නාමල් රාජපක්ෂ ද විවේචනයට ලක් කළා.
එහෙත් එම සිඳුවීමට අදාළ පරිපාලනයේ නිලධාරීන්ට මේ දක්වාම එම වරද සිඳු කිරීම ගැන කිසිඳු පියවරක් ගන්නට කටයුත් කර නැහැ.වත්මන් ආණ්ඩුවද එසේමයි.ඊට හොඳම උදාහරණය එම වැරදිකාර පරිපාලනයේ ප්‍රධාන විධායක නිලධාරියාව මේ වන විට අමාත්‍යවරයාට මඟ පෙන්වීම සඳහා පත් කරන ලද කමිටුවේ සභාපතිවරයා කර තිබීමයි.එම පරිපාලන වරද ආගමන විගමන නීති උල්ලංඝනයක් ලෙස සැළකිල්ලට ගන්නේ නැතුව,වැරදිකාර පරිපාලනයේ ලේකම්වරයා රගර් හී වගකීම් සඳහා පත් කිරීමද සිඳු වී තිබෙනවා.
වැදගත්ම දේ එම සිඳුවීමට දඬුවමක් හෝ වාරණයක් පැනෙව්වේ නැති නිසා ආසියානු රගර් සභාපතිවරයාගේ විශ්වාසය දිනා ආසියානු සංගමයේ ඉහළ ශක්‍යතා පුහුණු සහ තරගාවලි සභාපති තනතුරේ සිටින එම වැරදිකාර පරිපාලනයේ සභාපතිවරයා ද මීට සහභාගි කර ගැනීමයි.ඒ නිසා අමාත්‍යවරයා නාමල් බේබිලාගේ රගර් ලෙස සිඳු කළ ප්‍රකාශයෙන් ඔබ්බට කිසිවක් බේබිලාටවත්,ඔවුන් වෙනුවෙන් රගර් නැමූ නිලධාරීන්ටත් නොකරන බව විශ්වාසය. රගර් වංශය ගැන යම්තාක් දුරට දන්න රගර් ලෝලීන්ගේ දැන ගැනීම පිණිස,කළ වරදට දඬුවම් නොලැබීම වෙනුවට වරප්‍රසාද භුක්ති විඳින එම ආසියානු නිලධාරියා ද මෙම අවස්ථාවට එක් කර ගැනීමට සමත් වී ඇත.
මේ ඡායාරූපය රගර් ගැන දන්න බව කියන අර්බූදයේ දිග පළල හඳුනන කෙනෙක්ට අමාත්‍යවරයා විශ්වාස කරන්නේනම් සුදු පිරුවට අන්දා ප්‍රදර්ශනය කරන්නට හඳන පුද්ගලයින්ගේ තරම කියා දෙනු ඇත.
කිලෝ ග්‍රෑම් 85 න් පහළ ශ්‍රී ලංකා කණ්ඩායමටත්,එම තරගාවලියටත් සුබ පතන අතර අමාත්‍යවරයාට තමන්ට රගර් කේෂ්ත්‍රය සම්බන්ධයෙන් විශ්වාසයේ සහ හෘද සාක්ෂියේ රැවටිල්ලක් වෙනුවෙන් පෙනී සිටින බව පිළිගන්නට මේ ඡායාරූපය දැකීමේදී බුද්ධිය පහළ වේනම්;එය රටේ සමස්ත ක්‍රීඩාවටම වැදගත් වනු ඇත.
