නිශ්මං රණසිංහ අප්‍රේල් 03,කොළඹ LNW :
ශ්‍රී ලංකා ක්‍රිකට් ආයතනය මෙහෙයවන සිව්දින ක්‍රිකට් තරගාවලියේ සිව්වන සතිය ඇරඹෙන විට ලකුණු සටහනේ පෙරමුණ ගන්නට ගාල්ල කණ්ඩායම සමත් වී සිටිනවා.ඔවුන් තරග 2 ට සහභාගි වී එක් තරගයක පූර්ණ ජයද,ඉතිරි තරගයේදී පළමු ඉණ්මේ ජය ද ලබාගෙන සිටිනවා.පූර්ණ තරග ජයක් සහ පූර්ණ පරාජයක් සමඟ දෙවන තැන සිටින්නේ දඹුල්ල කණ්ඩායමයි.
මේ වන විට පිතිකරුවන් අතර පළමු තැන සිටින්නේ යාපනය කණ්ඩායම නියෝජනය කරන රවිඳු රශාන්තයි.එහෙත් යාපනය කණ්ඩායම තවම පළමු ඉණිමේ ජයක් හෝ අත් කරගෙන නොමැති අතර පළමු ඉණිමේ සහ පූර්ණ පරාජයක් ලබමින් ලකුණු සටහනේ අවසාන ස්ථානයේ පසුවෙනවා. පන්දු යැවීම අතින් ඉදිරියෙන් සිටින්නේ දඹුල්ල කණ්ඩායමේ අකිල ධනංජයයි.ඔහු මේ වන විට කඩුලු 22 ක් දවා ගෙන තිබෙන්නේ ක්‍රීඩා කළ ඉණිම හතරෙන් ඉණිම තුනකදීම කඩුලු 5 ට වඩා දවා ගැනීමේ දක්ෂතාවයක්ද ප්‍රදර්ශනය කරමින්ය.
