සටහන – පුලී
අප්රේල් 08, ලෝකය (අවුට්බවුන්ඩ් ටුඩේ): ලොව පුරා පැතිර යන ට්රම්ප් ගේ තීරුබදු උණ සන්නිපාතය මේ වනවිට උග්ර තත්ත්වයකට පත් වෙමින් පවතී. හිත පිරෙනකන් එක එක රටවලට බඳු ගසන ට්රම්ප්ට එහි මනුස්ස වාසයක් තිබුණත් නැතත් අදාල නොවන බවක් නම් පෙනී යයි. ආක්ටික් කලාපයේ හිම වලසුන්ට නිවහන වන පාෂාණමය බිම්වල සිට කුඩා නිවර්තන දූපත් දක්වා එහි කෙළවරක් නොවීය.
මෙම බදු උණ ගත් ඇමරිකානු ජනාධිපතිවරයා විසින් එක්සත් ජනපදයට ආනයනය කරන භාණ්ඩ සඳහා 10% ක මූලික තීරුබදු ප්රකාශයට පත් කරමින් වෙළඳපොළවල්, නිෂ්පාදකයින් සහ තවත් බොහෝ සේවාදයකයින් කැළඹීය. සමහර ස්ථාන වලින් භාණ්ඩ සඳහා, විශේෂයෙන් එක්සත් ජනපදය සමඟ ඉහළ වෙළඳ අතිරික්තයක් ඇති භාණ්ඩ සඳහා බෙහෙවින් වැඩි බදු අනුපාතයක් ඔවුන් ලබා දී තිබිණි.
ඇන්ටාක්ටිකාව අසල පිහිටි ජනාවාස නොවූ ප්රදේශයන්, ගිනිකඳු දූපත් සමූහයක් සහ ග්ලැසියරවලින් වැසී ඇති මෙන්ම පෙන්ගුවින් සඳහා නිවහනක් වූ ප්රදේශ ද ට්රම්ප්ගේ වෙළඳ යුද්ධයට නතුව තිබීම ඇස් උඩ යන කරුණකි. එතකොට ග්ලැසියර, කඳු බිම් වල බද්ද වැටෙන්නේ පෙන්ගුවින්ලාට විය හැකිය.
ඕස්ට්රේලියාවේ බාහිර භූමි ප්රදේශයක් වන හර්ඩ් දූපත සහ මැක්ඩොනල්ඩ් දූපත්, පෘථිවියේ දුරස්ථ ස්ථාන අතර වන අතර, ඕස්ට්රේලියාවේ බටහිර වෙරළ තීරයේ පර්ත් සිට සති දෙකක බෝට්ටු ගමනකින් පමණක් ප්රවේශ විය හැකි ප්රදේශයන් ලෙස ඒවා සැලකිය හැකිය. එම දූපත් සම්පූර්ණයෙන්ම ජනාවාස වී නොමැති අතර, මිනිසුන් අවසන් වරට පැමිණියේ වසර 10 කට පමණ පෙර යැයි සැලකේ.
කෙසේ වෙතත්, හර්ඩ් සහ මැක්ඩොනල්ඩ් දූපත් ධවල මන්දිරය විසින් නිකුත් කරන ලද රටවල් ලැයිස්තුවක ඇතුළත් කර ඇති අතර හර්ඩ් අයිලන්ඩ් සහ මැක්ඩොනල්ඩ් දූපත් ඕස්ට්රේලියාවේ තීරුබදු ලැයිස්තුවේ වෙන වෙනම ලැයිස්තුගත කර ඇති ඕස්ට්රේලියාවේ බාහිර ප්රදේශ කිහිපයක් අතර වේ. එහිදී එහි භාණ්ඩ සඳහා 10% ක තීරුබද්දක් ට්රම්ප්ගේ අධිකාරිය විසින් පනවනු ඇත.
ඕස්ට්රේලියානු වෙළඳ අමාත්ය ඩොන් ෆැරල් පැවසුවේ;
අසරණ පෙන්ගුයින්ලා ට්රම්ප්ට කළේ කුමක්දැයි මම නොදනිමියි’ යන්නයි.
ධවල මන්දිර ලැයිස්තුවේ දක්නට ලැබුණු තවත් එවැනි ප්රදේශ ලෙස කොකෝස් (කීලිං) දූපත්, නත්තල් දූපත සහ නොර්ෆොක් දූපත ද පෙන්වා දිය හැක.
සිඩ්නි සිට ඊසාන දෙසින් කිලෝමීටර් 1,600ක් (සැතපුම් 1,000) දුරින් පිහිටි 2,188 ක පමණ ජනගහනයක් සිටින නොර්ෆොක් දූපත ද තීරුබද්දට වැටුණු ප්රදේශයන් අතර විය.
මෙලෙස ලොව පුරා බොහෝ රජයන් සහ ඕස්ට්රේලියාවේ නායකයින් ද කලකිරීමට පත් කිරීමට මෙම තීරුබදු ගණන් හිලව් කතාවට හැකිවීය.
