සටහන: සශිකලා මධුෂාණි
අප්‍රේල් 09; ලෝකය(අවුට්බවුන්ඩ් ටුඩේ): ඩොමිනිකන් ජනරජයේ අගනුවර වන සැන්ටෝ ඩොමින්ගෝ හි ජෙට් සෙට් නම් ජනප්‍රිය රාත්‍රී සමාජ ශාලාවක වහලක් කඩා වැටීමෙන් අවම වශයෙන් පුද්ගලයින් 113 දෙනෙකු මිය ගොස් 150 කට වැඩි පිරිසක් තුවාල ලබා ඇති බව වාර්තා වේ.
මෙම සිදුවීම ඊයේ(08)අලුයම ජෙට් සෙට් රාත්‍රී සමාජ ශාලාවේ ජනප්‍රිය මෙරෙන්ගු ගායක රූබී පෙරෙස්ගේ සංගීත ප්‍රසංගයකදී සිදු විය. සිද්ධියෙන් මියගිය අය අතර ඔහු ද සිටි බව විශ්වාස කෙරේ, මිට අමතරව හිටපු මේජර් ලීග් බේස්බෝල් ක්‍රීඩක ඔක්ටේවියෝ ඩොටෙල් ද වින්දිතයින් අතර සිට ඇත.
සිය ගණනක් පුද්ගලයින් එම ස්ථානය තුළ සිටි අතර, බේරාගත් අය 400 ක් පමණ තවමත් දිවි ගලවා ගත් අය සොයමින් සිටිති. මරණ සංඛ්‍යාව තවදුරටත් ඉහළ යනු ඇතැයි අපේක්ෂා කරන අතර සෝදිසි කිරීම් අඛණ්ඩවම සිදු කෙරේ,
