ආණ්ඩුවේ රජයේ තේමා පාඨය පොහොසත් රටක ලස්සන ජීවිතයක් යන්න යථාර්තයක් වෙන්නනම් මිනිසුන් ක්‍රීඩාව කළ යුතු බවත්,සතුටින් සිටිය යුතු බවත් පවසන ක්‍රිඩා අමාත්‍යවරයා ශ්‍රී ලංකා ක්‍රිකට් එවැනි දේ සඳහා කරන මැදිහත්විමක්,ආයෝජනයක් හැටියට ආර්.ප්‍රේමදාස ක්‍රීඩාංගණයේ ඉහළ කාර්ය සාධන මධ්‍යස්ථානයේ පිහිණුම් තටාකය ඉදි කිරීම හඳුන්වා දුන්නේය .
අමාත්‍යවරයා එසේ කරුණු දැක් වූවේ එම පිහිණුම් තටාකය විවෘත කිරීම වෙනුවෙන් ශ්‍රී ලංකා ක්‍රිකට් විසින් සූදානම් කර තිබූ උත්සව අවස්ථාවට එක්වෙමින්ය.
මේ සමග ඇත්තේ එහිදී අමාත්‍යවරයා කරන ලද සම්පූර්ණ කතාවය.අදාළ විවෘත කිරීමට අදාළ ඡායාරූප පෙළක්ද මෙහි ඇති අතර මෙම අවස්ථාවට ශ්‍රී ලංකා ක්‍රිකට් සභාපති ෂම්මි සිල්වා මහතාගේ ආරාධනයෙන් අමාත්‍යවරයා මෙන්ම රීඩා නියෝජ්‍ය අමාත්‍ය සුගත් තිලකරත්න, ක්‍රීඩා හා යෞවන කටයුතු අමාත්‍යාංශයේ අතිරේක ලේකම් අනුරාධා ඉලේපෙරුම මහත්මිය ඇතුළු සම්භාවනීය අමුත්තන් රැසක් සහභාගී වූහ.
