අශූචි පොහොර නැවේ සිද්ධිය : අත්අඩංගුවට ගත් හිටපු අතිරේක ලේකම් රිමාන්ඩ් !

සටහන – රුවන් නෙළුගොල්ල

අල්ලස් කොමිසම විසින් අත්අඩංගුවට ගත් කෘෂිකර්ම රාජ්‍ය අමාත්‍යංශයේ හිටපු අතිරේක ලේකම්වරයෙකු වූ මහේෂ් ගම්මන්පිල ලබන 05 වනදා දක්වා රක්ෂිත බන්ධනාගාර ගත කිරීමට කොළඹ මහේස්ත්‍රාත් අධිකරණය නියෝග කර තිබේ.

ඒ, ඔහු ඊයේ (අප්‍රේල් 28) අධිකරණය හමුවට ඉදිරිපත් කළ අවස්ථාවේදී ය.

අල්ලස් කොමිසම විසින් ඔහුව අත් අඩංගුවට ගෙන තිබුණේ 2021 වසරේදී චීනයේ Qingdao Seawin Biotech නම් සමාගමකින් මෙරටට ගෙන්වන ලද ප්‍රමිතියට අනුකූල නොවන කාබනික පොහොර තොගයකට අදාළව අත්හිටුවා තිබූ ණයවර ලිපි විවෘත කිරීමට උපදෙස් ලබා දීම මගින් ඊට අදාළ පළමු පොහොර තොගයෙන් 75%ක මුදලක් එනම් අමෙරිකානු ඩොලර් මිලියන 6.9කට ආසන්න මුදලක් ගෙවීමට සිදුවීමෙන් රජයට පාඩු කිරීමේ චෝදනාව මතය.

මහේෂ් ගම්මන්පිල වත්මන් රජය යටතේ ඌව පළාත් සභාවේ ප්‍රධාන ලේකම්වරයා වශයෙන් ද පත්කර තිබිණි.