රෂිකා හෙන්නායක
අද උදෑසන 06න් අවසන් වූ පැය 24 තුළ, මැතිවරණ නීති උල්ලංඝණය කළ සැකකරුවන් 27 දෙනෙකු අත්අඩංගුවට ගෙන ඇති බව පොලීසිය පවසයි.
පොලිස් මාධ්ය ප්රකාශක කාර්යාලය පැවසුවේ, මෙවර පළාත් පාලන ආයතන ඡන්ද විමසීමට ඉදිරිපත්ව සිටින අපේක්ෂකයින් 05 දෙනෙකු සහ ආධාරකරුවන් 22කු ඒ අතර වන බවයි. ඉකුත් පැය 24 තුළ මැතිවරණයට අදාළ අපරාධමය පැමිණිලි 08ක් ලැබී ඇති බවද පොලීසිය පැවසීය.
මේ අතර පසුගිය මාර්තු මස 03 වනදා සිට අද උදෑසන 06 දක්වා ගතවූ මාස දෙකක කාලසීමාව තුළ පළාත් පාලන ආයතන ඡන්ද විමසීමට අදාළව අපරාධමය පැමිණිලි 109ක් සහ මැතිවරණ නීති උල්ලංඝණය කිරීම් සම්බන්ධ පැමිණිලි 415ක් පොලීසිය වෙත ලැබී තිබෙන බව පැවසේ.
එම කාලසීමාව තුළ අපේක්ෂකයින් 43 දෙනෙකු සහ ආධාරකරුවන් 190 දෙනෙකු අත්අඩංගුවට ගෙන ඇති අතර පොලිස් භාරයට ගෙන ඇති මුළු වාහන සංඛ්යාව 41ක් බවද වාර්තා වේ.
