කොළඹ LNW:ජනාධිපති අනුර කුමාර දිසානායක මහතා සහ කොළඹ මහ නගර සභාවට තරග කළ ස්වාධීන කණ්ඩායම් පහේ නායකයන් සමග අද (19) පස්වරුවේ විශේෂ සාකච්ඡාවක් පැවැත්වීමට නියමිත බව වාර්තා වෙයි.
පසුගිය පළාත් පාලන මැතිවරණයේදී කොළඹ මහ නගර සභාවට ස්වාධීන කණ්ඩායම් පහකින් සභිකයෝ 9 දෙනෙක් තේරී පත්ව සිටින අතර බහුතර අසන සංඛ්යාවක් (48) ජාතික ජන බලවේගයට හිමිවුවද තනි පක්ෂයක් ලෙස සභාවේ බලය පිහිටුවීම සදහා 50%ක ජන්ද ප්රතිශතයක් නොමැති වීම මත සභාව පිහිටුවීම වෙනුවෙන් පාර්ශව කිහිපයක සහය ගැනීමට සිදුව තිබේ.
ඒ අනුව මේ වන විට විශේෂයෙන් කොළඹ මහ නගර සභාවේ බලය පිහිටුවීමට සමඟි ජන බලවේගයද දැඩි උත්සහයක් ගනිමින් සිටින අතර ගෙවුණු සතියේ මේ සම්බන්ධයෙන් සාකච්ජා වට කිහිපයක්ද පැවැත්විය.
