රෂිකා හෙන්නායක මැයි 26, කොළඹ LNW :
ඉකුත් රජය සමයේ ප්රමිතියෙන් තොර කාබනික පොහොර නැවක් ගෙන්වීමේ සිද්ධිය සම්බන්ධයෙන් සැකපිට රක්ෂිත බන්ධනාගාර ගත කර සිටින හිටපු අමාත්ය මහින්දානන්ද අලුත්ගමගේ මහතා ඇප මත මුදාහරින ලෙස කොළඹ මහේස්ත්රාත් අධිකරණය නියම කර ඇති බව වාර්තා වේ.
අල්ලස් කොමිසම සහ විත්තියේ නීතිඥවරු විසින් ඉදිරිපත් කළ කරුණු සලකා බැලීමෙන් අනතුරුව කොළඹ ප්රධාන මහේස්ත්රාත් තනූජා ලක්මාලී මහත්මිය මෙම නියෝගය නිකුත් කළැ බව පැවසේ.
ඒ අනුව සැකකරු රුපියල් පනස් දහසක මුදල් ඇප සහ රුපියල් මිලියනය බැගින් වූ ශරීර ඇප පහක් මත මුදා හැරීමට නියම කෙරුණ බව සඳහන් වේ. එම ඇපකරුවන් අතරින් දෙදෙනෙකු ළඟම ඥාතීන් විය යුතු බවත් නියෝගයේ සඳහන් වි තිබූ බව වාර්තා වේ.
ඊට අමතරව සැකකරුගේ විදේශ ගමන් තහනම් කෙරුණු අතර විදේශ ගමන් බලපත්රය අධිකරණයට භාරදිය යුතු බවටත් නියෝගයක් නිකුත් කර ඇත. සාක්ෂිකරුවන්ට බලපෑම් කිරීමෙන් වළකින ලෙසත් විමර්ශන වලට අවශ්ය සහාය ලබා දෙන ලෙසත් වැඩි දුරටත් මහේස්ත්රාත්වරිය විසින් සැකකරුට නියෝග කළ බවද වාර්තා වේ.
