“හරි විකාරයක්” යැයි කියා
බසේ ‘ඇ’කාරය
කෙනෙක් කියන් ගියා
එයා ගියේ කොහේ – කෝ මේ ලයිටරේ
හහා හහා දුමාරයක් නැගෙයි තැනෙක ලොවේ
මධ්‍යහ්න සමේ – වැවූ “දිවා පුවත්”
දලුත් මලුත් ලලා
නැඟී නිශා යමේ -“අටේ පුවත්” ගෙනේ
නැතත් සිරස්තලේ – අගදි පුවත් පෙලේ
මල්මුවට ත්‍රාසයත්
අතුපෙළට භීතියත්
ලා’පතට කුතුහලයත් රැගෙන
වැහි කුණාටු එතේ
ලොවක් මැවූ පුවත්
“දෙස් – විදෙස්” කියා බෙදා
ලැබ සමාගමක සෙනේ
ගෙනේවි ඔබැ කරා
පෝක් – සමුද්‍ර සන්ධිනී
ක්‍රීඩා පුවත් අතරවාරයේදී
දකුණු අප්‍රිකානු ක්‍රීඩකයෙක්
හරවා පහරක් එල්ල කළා
පන්දුව ඇදී ගියා මහවැලි ‘එච්’ කලාපයට
එහි සිටියේ සිරිසෝම ගොවි මහතා
“මගේ මිරිස් පැළ පොඩිවෙනවා “
ඒ මහතා කෑ ගැසුවා
අනිලමානය
නල බලපවත්වන වේගය දනී
නල ගලන මග නොදනී,
සුළං දිශා දර්ශකය
නල ගලන මග දනී
නල බලපවත්වන වේග නොදනී,
කාලගුණ විද්‍යාව හැදෑරූ අයෙක්
ඔවුන් අතරට වැදී
අනාවැකියක් ඩැහැගෙන
පුවත් අතරට පනී
පනාමුරේ වගේ නෙවෙයි නැදුන්ගමුව හොඳේ
“ෆයර්” කියා තවැ දුරටත් නොකියයි මොලමුරේ
ඇස්. ඩබ්ලිව්. ආර්. ඩීගෙ දුම් පයිප්පෙ පිරේ
කෝ මේ ලයිටරේ
හහා හහා දුමාරයක් නැගෙයි තැනෙක ලොවේ ….!
~ රුවන් බන්දුජීව
