ඉකුත් දින වල රටතුළ මතුවූ ගැටුම්කාරී තත්ත්ව හමුවේ නීතියේ ආධිපත්‍යය සුරැකීමට බැඳී සිටින සියළු ආයතන මනා සහයෝගයකින් කටයුතු කර නොමැති බව ශ්‍රී ලංකා මානව හිමිකම් කොමිෂන් සභාව නිරීක්ෂණය කරයි.
නිවේදනයක් නිකුත් කරමින් එම කොමිසම පවසන්නේ ඉකුත් මැයි 09 වන දින සිදුවූ ප්‍රහාරයන්ට අදාළව පොලිස්පතිවරයා සහ හමුදාපතිවරයා අද (11) දින මානව හිමිකම් කොමිෂන් සභාව වෙත කැඳවූ බවත්, මතුවූ තත්ත්වය පාලනය කිරීමට අදාළ ආයතන කටයුතු කළ අන්දම පිළිබඳව පැහැදිලි කිරීම් දෙපාර්ශවයෙන් ම ලබාගත් බවත් ය.
මේ අතර, බස්නාහිර පළාත් ජ්‍යෙෂ්ඨ නියෝජ්‍ය පොලිස්පති දේශබන්ධු තෙන්නකෝන් මහතා ට 2022.05.13 වන දින කොමිසම හමුවේ පෙනී සිටින ලෙස සිතාසි නිකුත් කිරීමට කටයුතු කළ බව ද එම කොමිසම පවසයි.
මීට අමතරව, රටේ බුද්ධි අංශ ක්‍රියාත්මක වීමේ ගැටළුවක් තිබෙන බව නිරීක්ෂණය වී ඇති බව ද එම කොමිසම වැඩිදුරටත් අවධාරණය කරයි.
MIAP
