රෂිකා හෙන්නායක ජුනි 03, කොළඹ LNW :
ජනාධිපති අනුර කුමාර දිසානායක මහතා හා ඕස්ට්රේලියානු නියෝජ්ය අග්රාමාත්ය සහ ආරක්ෂක අමාත්ය රිචර්ඩ් මාල්ස් මහතා අතර සාකච්ඡාවක් ජනාධිපති කාර්යාලයේදී පැවැත්විණ.
එහිදී, ශ්රී ලංකාව සහ ඕස්ට්රේලියාව අතර පවතින ඓතිහාසික සබඳතා තවදුරටත් ශක්තිමත් කර ගනිමින් දෙරට අතර සහයෝගීතාව ඉහළ නංවා ගැනීම පිළිබඳව අවධානය යොමු කර තිබෙන බව වාර්තා වේ.
ජනාධිපති මාධ්ය අංශය පැවසුවේ, පසුගිය සමයේ සමුද්රීය ආරක්ෂණය, නීති විරෝධී වෙළඳාම, මිනිස් ජාවාරම්, ත්රස්තවාදය හා ආයුධ වෙළඳාම වැළැක්වීම සඳහා ඕස්ට්රේලියානු රජයෙන් ලබා දුන් සහාය ජනාධිපතිවරයා විසින් මෙහිදී ඇගයීමට ලක් කළ බවයි.
අල්ලස දූෂණය පිටුදැකීමේ ශ්රී ලංකා රජයේ වැඩපිළිවෙළ ඕස්ට්රේලියානු නව රජයේ ප්රසංශාවට ලක් කරන බවද වෙළඳ, ආර්ථික, දේශපාලනික, සංචාරක හා ආයෝජන සබඳතා ශක්තිමත් කිරීම ශ්රී ලංකා සංචාරයේ අරමුණ බවද රිචර්ඩ් මාල්ස් මහතා එහිදී සඳහන් කර ඇත.
