සටහන – රුවන් නෙළුගොල්ල
වැඩ තහනමට ලක්ව සිටින බන්ධනාගාර කොමසාරිස් ජනරාල් තුෂාර උපුල්දෙණිය අපරාධ පරීක්ෂණ දෙපාර්තමේන්තුව විසින් ඊයේ (ජුනි 09) රාත්රියේ අත් අඩංගුවට ගෙන තිබේ.
ඒ, ජනාධිපති සමාව අවභාවිතා කරමින් සිරකරුවන් යම් ප්රමාණයක් නිදහස් කිරීම සම්බන්ධයෙන් සිදුකෙරෙන විමර්ශනයට අදාළව ය.
ඔහුව අද (ජුනි 10) දිනයේදී කොළඹ මහේස්ත්රාත් අධිකරණයට ඉදිරිපත් කිරීමට නියමිත බව සඳහන්.
මෙම සිද්ධිය සම්බන්ධයෙන් බන්ධනාගාර කොමසාරිස් ජනරාල් තුෂාර උපුල්දෙණියගේ වැඩ තහනම් කිරීමට ඊයේ පස්වරුවේ රැස්වූ කැබිනට් මණ්ඩලය තීරණය කර තිබිණි. ඒ, ඔහු බන්ධනාගාර කොමසාරිස් ජනරාල් තනතුරේ තවදුරටත් කටයුතු කිරීම ඉදිරි විමර්ශනවලට බාධාවක් විය හැකි නිසාත් පරීක්ෂණ අපක්ෂපාතීව සිදුකිරීම සඳහාත් ය.
