අනුරාධපුර දිස්ත්‍රික්කයේ මැදවච්චිය ප්‍රාදේශීය සභාවේ සභාපති ධුරය ජාතික ජන බලවේගය විසිනුත් උප සභාපති ධුරය ශ්‍රී ලංකා පොදුජන පෙරමුණ විසිනුත් හිමිකර ගෙන තිබේ.
ඒ, ඊයේ (13) පැවති ඡන්ද විමසීමේදී ය.
සභාපති ධුරය සඳහා පැවති රහස් ඡන්දයේදී වැඩි ඡන්ද එකකින් ජාතික ජන බලවේගයේ ධනපාල විමලතුංග ජයග්‍රහණය කළ අතර උප සභාපති ධුරය සඳහා පැවති ඡන්ද විමසීමේදී ශ්‍රී ලංකා පොදුජන පෙරමුණේ රංගන සෝමදාස ජයග්‍රහණය කළේය.
පසුගිය පළාත් පාලන මැතිවරණයේදී මැදවච්චිය ප්‍රාදේශීය සභාවේ මන්ත්‍රී ධුර 10ක් ජාතික ජන බලවේගයට ලැබී තිබුණු අතර සමගි ජන බලවේගයට 6ක්, ශ්‍රී ලංකා පොදුජන පෙරමුණට 2ක්, සර්වජන බලයට 2ක් සහ පොදුජන එක්සත් පෙරමුණට 1ක් වශයෙන් බෙදී ගොස් තිබිණි.
