සටහන – රුවන් නෙළුගොල්ල
“අස්වැසුම” සහනාධාර මුදල් වංචාකිරීම සම්බන්ධයෙන් චෝදනා එල්ල වූ කොලොන්න ප්රාදේශීය ලේකම් කාර්යාලයේ කළමනාකරණ සේවා නිලධාරිනියක් ජුනි 16 වනදා දක්වා රක්ෂිත බන්ධනාගාරගත කර තිබේ.
ඒ, ඇයව ඇඹිලිපිටිය මහේස්ත්රාත් අධිකරණය හමුවට ඉදිරිපත් කිරීමෙන් අනතුරුව ය.
කොලොන්න ප්රාදේශීය ලේකම් කොට්ඨාසයේ අස්වැසුම සුබසාධන ප්රතිලාභ ලැබීමට සුදුසුකම් ලැබූ පුද්ගලයින් පිරිසකගේ ගිණුම්වලට බැර කළයුතු රුපියල් 3,781,000 ක මුදලක් තම හිතවතුන්ගේ සහ ඥාතීන්ගේ ගිණුම්වලට බැරකර ඇතැයි ඇයට චෝදනා එල්ල වී ඇති අතර පසුගිය 13 වනදා ඇයව ඇඹිලිපිටිය විශේෂ අපරාධ විමර්ශන අංශය විසින් අත් අඩංගුවට ගෙන තිබිණි.
ඒ, කොලොන්න ප්රාදේශීය ලේකම්වරිය විසින් කරන ලද පැමිණිල්ලක් අනුව ය.
