රෂිකා හෙන්නායක ජූනි 21, කොළඹ LNW :
ළමා හා කාන්තා අපයෝජන විමර්ශන කාර්යාංශය සහ ජාතික ළමා ආරක්ෂක අධිකාරිය එක්ව නව මෙහෙයුමක් ආරම්භ කර ඇත.
ඒ අනාරක්ෂිත තත්ත්වයන් යටතේ සිඟමනේ යොදවන හෝ භාණ්ඩ අලෙවි කරන බාලවයස්කරුවන් හඳුනාගෙන භාරයට ගැනීම සඳහා විශේෂ මෙහෙයුමක් බව සඳහන් වේ.
ඒ අනුව, කොළඹ උතුර, කොළඹ දකුණ, කොළඹ මධ්‍යම, නුගේගොඩ, ගම්පහ, පානදුර, කැළණිය, මීගමුව, ගල්කිස්ස, කළුතර, තංගල්ල, අනුරාධපුර, මහනුවර, කුරුණෑගල, හලාවත, රත්නපුර, ගාල්ල සහ මාතර ඇතුළු පොලිස් කොට්ඨාශ කිහිපයක මෙහෙයුම දැනට සිදුකර ඇත.
එහි ප්‍රතිඵලයක් ලෙස, අනාරක්ෂිත තත්ත්වයන් යටතේ සිඟමනේ සහ වීදි වෙළඳාමේ යෙදී සිටියදී සොයාගැනීමෙන් පසු බාලවයස්කරුවන් 21 දෙනකු නිලධාරීන්ගේ භාරයට ගෙන ඇති අතර, පසුව එම දරුවන් සුදුසු ආරක්ෂිත රැකවරණයක තබා ඇති බව බලධාරීහු පවසයි.
