කොළඹ LNW:පළාත් පාලන ආයතනවල සභාපතිවරු සහ උපසභාපතිවරු තෝරා ගැනීමේ දී පළාත් පාලන කොමසාරිස්වරයා හෝ කොමසාරිස්වරියට සිය අභිමතය අනුව කටයුතු කළ හැකි අතර එය කිසිවෙකුට අභියෝගයට ලක් කළ නොහැකි බව මැතිවරණ කොමසාරිස් ජනරාල් සමන් ශ්‍රී රත්නායක මහතා පවසයි.
එම ප්‍රතිපාදනය පනතෙන් ලබා දී ඇති බවයි ඔහු සඳහන් කරන්නේ.
“පලාත් පාලන ආයතනයේ සභාපතිවරයා සහ උපසභාපතිවරයා පත් කිරීමේ බලය තියෙන්නේ පලාත් පාලන කොමසාරිස්වරුන්ට. පනතේ හැටියට පලාත් පාලන කොමසාරිස්ට ඇති එම බලයට අභියෝග කිරීමේ හැකියාව කිසිවෙකුට නෑ. සිය අභිමතය අනුව කටයුතු කිරීමට කොමසාරිස්ට ඇති බලයට නීතිමය වශයෙන් කිසිදු බාධාවක් නෑ.” යනුවෙන් ඔහු තවදුරටත් සඳහන් කරයි.
සමන් ශ්‍රී රත්නායක මහතා මේ බව පවසා තිබුණේ මැතිවරණ කොමිසම, දිස්ත්‍රික්ක මට්ටමින් සංවිධානය කරනු ලබන වැඩමුළුවකට සහභාගී වෙමිනි.
ආශිකා බ්‍රාහ්මණ
