කොළඹ LNW:ප්‍රතිසංස්කරණයක් අතරේදී සිදුවූ ආපදා තත්ත්වයක් හේතුවෙන් මීමුරේ – හුන්නස්ගිරිය මාර්ගයේ කයිකාවල පාලමේ ධාවන කටයුතු හදිසියේ අත්හිටුවීමට මාර්ග සංවර්ධන අධිකාරිය පියවර ගෙන තිබේ.
එම මාර්ගයේ ප්‍රතිසංස්කරණ සිදුවන අතර එහිදි බැම්ම පාදම අසල ඇති විශාල ගල් පර්වතයට හානි සිදුව ඇත.
ඒ අනුව වාහන ගමනාගමනය අද සිට අත්හිටුවා ඇති අතර යළි දන්වන තුරු සංචාරකයන් මීමුරේ වෙත පැමිණීමෙන් වළකින මෙන් මහනුවර දිස්ත්‍රික් ලේකම් ඉන්දික උඩවත්ත මහතා දැනුම් දෙයි.
ආපදා කළමණාකරණ මධ්‍යස්ථානය, මහනුවර දිස්ත්‍රික් ලේකම් කාර්යාලය, උඩුදුම්බර ප්‍රාදේශිය ලේකම් කාර්යාලය, පොලීසිය ඇතුලු ආයතන ආපදා තත්ත්වය වැළැක්විම සඳහා කඩිනම් ක්‍රියාමාර්ග ගනිමින් පවතී.
නදීක දයා බණ්ඩාර – මහනුවර
