සටහන – පුලී
ජූලි 22, කොළඹ (LNW): ලෝක ප්‍රකට පොප් ගායිකාවක් වන කේටි පෙරී ඇගේ සැන් ෆ්‍රැන්සිස්කෝ ප්‍රසංගය අතරතුර සිදුවීමට ගිය විශාල අනතුරක් යන්තමින් වළක්වා ගත් බව මේ දිනවල සමාජ මාධ්‍ය ඔස්සේ සැරිසරන වීඩියෝ දර්ශනයෙන් මනාව පැහැදිලි වනු ඇත.
ඇය පැදගෙන ගිය ව්‍යාජ යෝධ සමනලයෙකු ප්‍රේක්ෂකයින්ට අනතුරුදායක ලෙස සමීපව සිටියදී හදිසියේම මඳ ප්‍රමාණයක් ඇද වැටීමට ලක් විය. මෙම සිදුවීම සිදු වූයේ මේ වසරේ අප්‍රේල් මාසයේ සිට ආරම්භව පවතින කේටි ගේ ජීවිත කාලය පිළිබඳ චාරිකාව අතරතුරය.
සිද්ධියේ වීඩියෝ පටයක් සමාජ මාධ්‍යවල උඩුදුවමින් පවතින අතර යෝධ සමනළයා මත සිටි කේටි හදිසියේම එය ඇලවී වැටෙන්නට යාමෙන් බේරෙන්නේ යාන්තමින් ය. භීතියට පත් ප්‍රසංගය නරඹන්නන් පහළ සිට එම දසුන නරඹන්නට විය.
ඇගේ ඉන්ස්ටග්‍රෑමයෙහි මෙම අනතුර ගැන කතා කරමින්, කේටි “සුබ රාත්‍රියක් සැන් ෆ්‍රෑන්” යන සටහනක් තබා පෝස්ටුවක් ද පළ කර තිබිණි.
