යුක්රේන අර්බුදය හේතුවෙන් රුසියාවට පනවා ඇති සම්බාධක තවදුරටත් පුළුල් කිරීමට යුරෝපා සංගමය පියවර ගෙන තිබෙනවා. යුරෝපා සංගමය වෙත ඉදිරිපත් වූ 06 වැනි සම්බාධක පැකේජය බහුතර සාමාජිකයන්ගේ ඡන්දයෙන් සම්මත වී තිබේ.
ඒ අනුව යුරෝපා රටවල් රුසියාවෙන් ආනයනය කරන බොරතෙල් සහ ඉන්ධන ප්රමාණය තුනෙන් දෙකකින් කපා හරිනු ඇත. රුසියානු ඉන්ධන සඳහා පූර්ණ තහනමක් පැනවිය යුතු බවට යෝජනාවක් ඉදිරිපත් වූ නමුත් හංගේරියාව ඊට විරුද්ධත්වය පළකර තිබේ. ඒ අනුව ඉන්ධන ආනයනය තුනෙන් දෙකකින් කපා හැරිය යුතු බවට යෝජනාව සංශෝධනය කර ඇති අතර එ් සඳහා හංගේරියාවේ එකඟතාවය හිමි විය.
මීට අමතරව රුසියාවේ විශාලතම බැංකුවට සහ රාජ්ය මාධ්ය ආයතන දෙකකටද යුරෝපා සංගමය සම්බාධක පනවා තිබේ.
ඉන්ධන ආනයනය තුනෙන් දෙකකින් සීමා කිරීමට යුරෝපා සංගමයට අයත් රටවල් තීරණය කිරීම රුසියානු ආර්ථිකයට දැඩි බලපෑමක් වනු ඇත. රුසියාව විසින් නිපදවන බොරතෙල්වලින් වැඩි ප්රතිශතයක් මිලදී ගන්නේ යුරෝපා සංගමයට අයත් රටවල් විසිනි. නව තීරණය අනුව රුසියාවට එක්කෝ බොරතෙල් කැණීම් සීමා කිරීමට සිදුවනු ඇත. එසේ නැතහොත් නව පාරිභෝගිකයන් සොයා ගැනීමට සිදුවනු ඇත.
මෙම තත්වය ලෝක බොරතෙල් වෙළඳපොලට දැඩි බලපෑමක් සිදුවනු ඇති අතර එහි ප්රතිඵලයක් ලෙස සැළකිය යුතු මට්ටමකින් බොරතෙල් මිල පහත වැටීමටද හැකියාව තිබෙනවා.
UN
