පෙනෙන්න තියෙන විදිහට දැන් ලංකාව ඉන්දියාවේ ප්‍රාන්තයක් වගේ යැයි සමඟි ජන බලවේගයේ පාර්ලිමේන්තු මන්ත්‍රී මනෝ ගනේෂන් මහතා පැවසුවේය.
මන්ත්‍රීවරයා මේ බව සඳහන් කළේ අද (02) පාර්ලිමේන්තුවේදී පක්ෂ නායක රැස්වීමෙන් අනතුරුව මාධ්‍ය වෙත අදහස් දක්වමිනි.
ඉන්දියාව නැති වුණහොත් කන්නත් නැති තත්ත්වයක් ඇති බව පෙනෙන්නට තිබෙන අතර පසුගිය කාලයේදී ඉන්දියාවට එරෙහිව කටයුතු කළ අය දැන් තත්ත්වය තේරුම් ගත යුතුව ඇති බවයි මන්ත්‍රීවරයා කියා සිටියේ.
කෙසේවෙතත් ශ්‍රී ලංකාවේ ස්වෛරීභාවය ආරක්ෂා කර ගත යුතු අතර මෙය ඉන්දියාවේ ප්‍රාන්තයක් විය යුතු නැති බවද හෙතෙම අවධාරණය කළේය.
ASK
