සටහන: සශිකලා මධුෂාණි
අගෝස්තු 16: ලෝකය(අවුට්බවුන්ඩ් ටුඩේ): පාකිස්ථානයට බලපාන ලද අධික වර්ෂාව හා ගංවතුර තත්ත්වයන් හේතුවෙන් 194 දෙනෙකු මියගොස් 35 දෙනෙකු අතුරුදන්ව ඇති බව එරට ආපදා අධිකාරිය තහවුරු කර තිබේ.
පවතින අයහපත් කාලගුණික තත්වය හේතුවෙන් බලධාරීන් හදිසි තත්වයක් ප්‍රකාශයට පත් කර ඇති අතර බොහෝ මරණ, එනම් මරණ 180 ක් වයඹදිග පකිස්ථානයේ කඳුකර කයිබර් පක්තුන්ක්වා පළාතේ වාර්තා වී ඇති අතර, තවත් පස් දෙනෙකු ගිල්ගිට්-බෝල්ටිස්තානයේ උතුරු ප්‍රදේශයේ සහ නව දෙනෙකු පකිස්ථාන පරිපාලන කාශ්මීර කොටසේ මිය ගොස් ඇති බව එහි සඳහන් වේ.
ගලවා ගැනීමේ මෙහෙයුම් දිගටම ක්‍රියාත්මක වන අතර විශාල පිරිසක් අවධානම් ප්‍රදේශ වලින් ඉවත් කර ඇත.
