කොළඹ LNW:ත්‍රස්තවාදය වැළැක්වීමේ පනත අහෝසි කරන බව විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා අද (22) පාර්ලිමේන්තුවේදී ප්‍රකාශ කළේය.
ඒ අනුව සැප්තැම්බර් මුල වන විට එම පනත අහෝසි කිරීමට කටයුතු කරන බවයි අමාත්‍යවරයා කියාසිටියේ.
”ත්‍රස්තවාදය වැළැක්විමේ පනත එක්සත් ජාතින්ගේ සංවිධානය හෝ මානව හිමිකම් කවුන්සිලයෙන් කියන එකක් නෙමෙයි.අපේ ප්‍රතිපත්ති ප්‍රකාශනයේ පැහැදිලිව සඳහන් වන එකක්.ඒ සම්බන්ධයෙන් අපි දැනටමත් බලයට පත් වෙලා කෙටිකාලයක් තුළ කමිටුවක් පත් කළා ජනාධිපති නීතිඥ රියන්සි අර්සකුලරත්න මහතාගේ මුලිකත්වයෙන්. ඒ කමිටුව අවස්ථා ගණනාවක රැස් වෙලා ඒ අවශ්‍ය කරන සංශෝධනයන් සිද්ධ කරලා මේ මාසේ අඟ වෙනකොට අපි ඒක අවසන් කරලා සැප්තැම්බර් මුල වෙනකොට ත්‍රස්තවාදය වැලැක්විමේ පනත අහෝසි කරන ඒ කෙටුම්පත ගැසට් කරන්න කටයුතු කරනවා.” යනුවෙන් අමාත්‍යවරයා තවදුරටත් පවසන ලදී.
ආශිකා බ්‍රාහ්මණ
