සටහන – රුවන් නෙළුගොල්ල
පළාත් සභා මැතිවරණය පැවැත්වීමට නොහැකි වී ඇත්තේ සීමා නීර්ණයේ ගැටලු ගණනාවක්ම තිබීම හේතුවෙන් බවත් ඒවා විසඳාගැනීම සඳහා නැවතත් සීමා නීර්ණ කොමිසමක් පත්කිරීමට කටයුතු කරන බවත් ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා පවසයි.
“සීමා නීර්ණයේ වැරදි ගොඩක් තිබුණා. ඒ නිසා ඒක පාර්ලිමේන්තුවේ සම්මත වුණේ නෑ. ඒ නිසා තමයි ඡන්දය තියන්න බැරිවුණේ. නැවත සීමා නීර්ණයක් කළ යුතුයි. අපි බලාපොරොත්තු වෙනවා ඒ සඳහා නැවත කොමිසමක් පත්කරලා, ලබන වසරේ එම සීමා නීර්ණ කටයුතු කරලා, ඒක අවසානයේ ඡන්දයට යන්න පුළුවන් වෙයි කියලා. මොකද අපි බලාපොරොත්තු වෙනවා – අපි ජනාධිපතිවරණය දිනුවා NPP එක, ඊටපස්සෙ පාර්ලිමේන්තු මැතිවරණය දිනුවා, අපි පළාත් පාලන ආයතන විශාල ප්‍රමාණයක් ජයග්‍රහණය කළා, ඒ වගේම අපි පළාත් සභාත් ජයග්‍රහණය කරලා මේ රට වෙනස් කිරීමට මේ සියලු ආයතන පාවිච්චි කරන්න ඕනා”
ටිල්වින් සිල්වා මහතා මේ බව පැවසුවේ ඊයේ (07) දිනයේදී ජවිපෙ යාපනය දිස්ත්‍රික් කාර්යාලයේ පුස්තකාලය විවෘත කිරීමේ උත්සවයට සහභාගී වීමෙන් අනතුරුව මාධ්‍ය වෙත අදහස් දක්වමිනි.
