නිශ්මං රණසිංහ සැප්තැම්බර් 12, කොළඹ LNW:
තායිලන්තයේ පතායා හී පැවත්වෙන Amazing Thailand-Pattaya BWF World Senior Championships 2025 නියෝජනය කරන ශ්රී ලංකා බැඩිමින්ටන් ප්රවීනයන් එහි අර්ධ අවසන් පූර්ව තරග හතක්ම නියෝජනයට සුදුසුකම් ලබා සිටිනවා.
ඒ අතරින් චන්ද්රිකා ද සිල්වා ත්රිත්ව සූරතා උත්සාහයක නියැලෙනවා.ඒ අවුරුදු 50 ඉහළ කාන්තා කේවල සහ මිශ්ර යුගල අංශයෙන් මෙන්ම අවුරුදු 45 ඉහළ කාන්තා යුගල අංශයෙන් අර්ධ අවසන් බූර්ව වටයට පිවිසෙමින්.ඇය මිශ්ර යුගල 50 වැඩි තරගයේදී තරග වදින්නේ ඉන්දුනීසියාවේ රුඩියන්ටෝ සෙන්ග් සමඟ එක්වයි.45 ට වැඩි කාන්තා යුගල තරගයේදී චන්ද්රිකාගේ සහයිකාව වන්නේ ජර්මණියේ ක්ලෝඩියා වොගෙල්ග්සැන්ග් ය.
නිලූක කරුණාරත්න ශ්රී ලංකාව බිහි කළ සුවිශේෂීම බැඩ්මින්ටන් ක්රීඩකයා ලෙස අතීතය නැවත සිහියට කැඳවමින් අවුරුදු 35 න් ඉහළ තරග අංශයේ අර්ධ අවසන් තරගයට පිවිස සිටින අතර එම වයස් කාණ්ඩයෙන් තරග වඳින රොෂාන් පද්මකුමාර ද අර්ධ අවසන් පූර්ව වටයට පිවිස තිබෙනවා.
නදීශා ගයන්ති ද ඉන්දුනීසියාවේ උනෑන්ග් රහ්මට් සමඟ එක්ව අවුරුදු 40 ට ඉහළ මිශ්ර යුගල අංශයෙන් අර්ධ අවසන් පූර්ව වටයට පිවිස තිබෙන අතර අවුරුදු 50 න් ඉහළ පිරිමි යුගල තරගයේදී ලක්ෂ්මන් හෝමර් අර්ධ අවසන් පූර්ව වටයට පිවිස සිටින්නේ ද ඉන්දුනීසියානු සහයෙකු වන විනුර් ද්වී පුත්රා සමඟය.
අති විශාල පිරිසක් මෙම ප්රවින තරගාවලිය සඳහා ශ්රී ලංකාව නියෝජනය කරමින් සහභාගි වී සිටින අතර ලංකාවේ බැඩ්මින්ටන් ක්රීඩාවට ආදරය කරන ක්රීඩාවේ ප්රවීනයන් ඒ තුළ අඛන්ඩව රඳවා ගැනීමට හැකි පරිදි ප්රවීනයන්ගේ බැඩ්මින්ටන් ක්රීඩාවට මෙන්ම ලංකාවේ වර්ථමාන බැඩිමින්ටන් ක්රීඩාවේ ප්රගතියට ද දායක වූ රොහාන් ද සිල්වා මෙම තරගාවලියට ද සහභාගි වෙමින්,ක්රීඩා කරමින් සිය බැඩිමින්ටන් ප්රේමය අඛණ්ඩව පවත්වා ගෙන යාම සතුටුදායක තත්ත්වයකි.එමෙන්ම ශක්තියකි.
