අද (20) පෙරවරුවේ මෙරටට පැමිණි ජාත්‍යන්තර මූල්‍ය අරමුදලේ (IMF) නියෝජිතයින් පිරිස සමග මුදල් අමාත්‍යාංශයේදී සාකච්ඡා ආරම්භ කිරීමට නියමිතව තිබුණත් ඒ ආසන්නයේ පවතින විරෝධතා හේතුවෙන් ඔවුන්ව මුදල් අමාත්‍යාංශය කරා රැගෙන ඒමට නොහැකි වී ඇති බව වාර්තා වේ.
ජනාධිපති කාර්යාලයේ සෙසු ගේට්ටු ද අවහිර කරමින් අද දිනයේදී ආරම්භ වුණු විරෝධතා නිසා ලෝටස් වටරවුම අසල මාර්ගය අවහිර වී ඇති හෙයින් මුදල් අමාත්‍යාංශය කරා වාහනවලට පිවිසීමටත් නොහැකි වී තිබේ.
ඒ අනුව කාර්ය මණ්ඩල මට්ටමේ සාකච්ඡා සඳහා පැමිණි IMF නියෝජිත පිරිස මල්පාරේ පිහිටි අග්‍රාමාත්‍ය කාර්යාලය වෙත කැඳවා ගෙන ගොස් ඇති අතර එහිදී සාකච්ඡා ආරම්භ කර ඇති බවයි ආරංචිමාර්ග සඳහන් කළේ.
