රෂිකා හෙන්නායක ඔක්තෝබර් 11, ලෝකය (අවුට්බවුන්ඩ් ටුඩේ):
ඇමෙරිකාවේ ටෙනසි ප්රාන්තයේ යුධෝපකරණ කම්හලක සිදු වූ පිපිරීමකින් පුද්ගලයින් 19 දෙනෙකු අතුරුදන් වී තිබෙන බව විදෙස් මාධ්ය වාර්තා කරයි.
මේ වන විටත්, පිපිරීමෙන් මිය ගිය සංඛ්යාව පිළිබඳ තොරතුරු වාර්තා වී නොමැති අතර, පිපිරීමෙන් බහුවිධ මරණ සිදුව ඇති නමුත් ඇතැමුන් දිවිබේරාගෙන ඇති බවට තමන් විශ්වාස කරන බව, හම්ෆ්රීස් ප්රාන්ත ෂෙරීෆ් ක්රිස් ඩේවිස් ප්රකාශ කළේය.
එෆ්බීඅයි සහ මධ්යසාර , දුම්කොල, ගිනිඅවි සහ පුපුරණ ද්රව්ය කාර්යාංශයේ විමර්ශකයින් පිපිරීමට හේතුව සොයා පරීක්ෂණ සිදු කරමින් සිටින බව වාර්තා වේ.
අක්කර 1300 ක පමණ භූමි ප්රමාණයක් මෙහි පවතින අතර දැවැන්ත ගොඩනැගිලි ඉදිකර තිබෙන අතර, ප්රධාන ගොඩනැගිල්ලට අමතරව පරිවාර ගොඩනැගිලි 08 ක් සහ රසායනාගාරයක් ද මෙම පරිශ්රයට ඇතුළත් බව වාර්තා වේ.
ඇමෙරිකා රජය සඳහන් කරන්නේ, ප්රධාන ගොඩනැගිල්ලේ ආරක්ෂාව සම්බන්ධයෙන් ගැටලුකාරී තත්ත්වයක් පැවතියේ නැති බවයි.
