රෂිකා හෙන්නායක ඔක්තෝබර් 17, කොළඹ LNW :
අද (17) පෙරවරුවේ කොළඹ අපරාධ කොට්ඨාසය, අධිකරණයට කළ කරුණු දැක්වීමෙන් අනතුරුව, අත්අඩංගුවට ගත් ඉෂාරා සෙව්වන්දි ඇතුළු සැකකරුවන් හතරදෙනෙකු, පැය 72 ක් රඳවාගෙන ප්‍රශ්න කිරීමට අවසර දී තිබේ.
එලෙස රැඳවුම් නියෝග ගත් අනෙක් සැකකරුවන් වන්නේ, ජේ.කේ බායි, සුරේෂ් සහ තක්ෂි නමැත්තන් ය.
සංවිධානාත්මක අපරාධකල්ලි නායකයකු වූ සංජීව කුමාර සමරරත්න හෙවත් ගනේමුල්ල සංජීව කොළඹ අලුත්කඩේ අංක 6 උසාවිය තුළදී පසුගිය පෙබරවාරි 19 වැනිදා වෙඩි තබා ඝාතනය කෙරිණ. වෙඩික්කරුට ගිනි අවිය දී ඇත්තේ සැකකාර ඉෂාරා සෙව්වන්දි බවට, විමර්ශන වලදී අනාවරණය විය.
