හිඟුරක්ගොඩ පොලිස් ස්ථානය තුළ කළහකාරී ලෙස හැසිරෙමින් පොලිස් නිලධාරීන් දෙදෙනෙකුට බැනවැදී තර්ජනය කිරීම සම්බන්ධයෙන් අත් අඩංගුවට ගෙන සිටි හිඟුරක්ගොඩ ප්රාදේශීය සභාවේ ජාතික ජන බලවේගයේ මන්ත්රීවරයා ඇප මත මුදාහැර තිබේ.
ඒ, ඔහුව හිඟුරක්ගොඩ මහේස්ත්රාත්වරයා වෙත ඉදිරිපත් කිරීමෙන් අනතුරුව ය.
සිය නිවසේ විදුලි බිල නොගෙවීම හේතුවෙන් විදුලිය විසන්ධි කිරීම සඳහා පැමිණි විදුලිබල මණ්ඩලයේ සේවකයින් දෙදෙනෙකුගේ රාජකාරියට බාධාකරමින් පහරදීමේ සිද්ධියක් සම්බන්ධයෙන් අදාළ මන්ත්රීවරයාගේ සහෝදරයාව හිඟුරක්ගොඩ පොලීසිය විසින් අත් අඩංගුවට ගෙන තිබී ඇත. ඔහුව පොලිස් සිර මැදිරියේ රඳවා සිටියදී ඔහුව බැලීමට පැමිණි අදාළ මන්ත්රීවරයා කළහකාරී ලෙස හැසිරෙමින් සිය සහෝදරයාව මුදාහරින ලෙස බලපෑම් කරමින් පොලිස් නිලධාරීන් දෙදෙනෙකුට බැනවැදී තර්ජනය කර ඇති බවයි පොලීසිය ප්වසන්නේ.
ඒ අනුව නීත්යානුකූලව අත් අඩංගුවේ පසුවූ සැකකරුවකු මුදාහැරීමට උත්සාහ කිරීම සම්බන්ධයෙන් එම මන්ත්රීවරයාව අත් අඩංගුවට ගෙන හිගුරක්ගොඩ මහේස්ත්රාත්වරයා හමුවට ඉදිරිපත් කර තිබුණු අතර එහිදී ඔහුව රුපියල් ලක්ෂ දෙක බැගින් වූ ශරීර ඇප දෙකක් මත මුදාහැරීමට නියම කර ඇත.
එමෙන්ම පොලීසිය විසින් අත් අඩංගුවට ගෙන සිටි අදාළ මන්ත්රීවරයාගේ සහෝදරයා ද ඇප මත මුදාහැරීමට මහේස්ත්රාත්වරයා නියම කර ඇති බව සඳහන්.
