සටහන: සශිකලා මධුෂාණි
නොවැම්බර් 14: ලෝකය(අවුට්බවුන්ඩ් ටුඩේ) : ටයිටැනික් නෞකාවේ සිටි ධනවත්ම මගියෙකුගේ සාක්කුවෙන් සොයාගත් කුඩා රන් ඔරලොසුවක් වෙන්දේසියේදී පවුම් මිලියන 1 (ඩොලර් මිලියන 1.3) කට මිල නියම කෙරෙනු ඇති බව වාර්තා වේ.
1912 අප්‍රේල් 14 වන දින සවුත්හැම්ප්ටන් සිට නිව්යෝර්ක් බලා ගමන් කළ යාත්‍රාව අයිස් කුට්ටියක ගැටීමෙන් ගිලී ගිය 1,500 කට අධික පිරිස අතර ඉසිඩෝර් ස්ට්‍රෝස් සහ ඔහුගේ බිරිඳ අයිඩා ද වූහ. ව්‍යසනයෙන් දින කිහිපයකට පසු ඉසිඩෝර් ස්ට්‍රෝස්ගේ දේහය අත්ලාන්තික් සාගරයෙන් සොයා ගන්නා ලද අතර ඔහුගේ දේහයෙන් කැරට් 18 රන් ජූල්ස් ජර්ගන්සන් සාක්කු ඔරලෝසුවක් හමුව ඇත.
ටයිටැනික් නෞකාව රළ යටින් අතුරුදහන් වූ මොහොතේ, එනම් 02:20 ට සාක්කු ඔරලෝසුව නතර වී ඇති අතර මෙය ඔහුගේ බිරිඳ වන අයිඩා විසින් සිය සැමියාට ලබා දුන් තෑග්ගක් බව විශ්වාස කෙරේ,
ඔරලෝසුව මෙතෙක් අලෙවි වූ වඩාත්ම මිල අධික ටයිටැනික් කෞතුක වස්තු වලින් එකක් බවට පත්වීමට නියමිත වන අතර විල්ට්ෂයර් හි හෙන්රි ඕල්ඩ්‍රිජ් සහ පුත්‍රයාගේ වෙන්දේසිකරු ඇන්ඩෲ ඕල්ඩ්‍රිජ් ප්‍රකාශ කර තිබුණේ, ඔරලෝසුව විකිණීම පිළිබඳ පුවත දැනටමත් ලොව පුරා සිටින ගනුදෙනුකරුවන්ගෙන් සැලකිය යුතු උනන්දුවක් ජනිත කර ඇති බවයි.
