රෂිකා හෙන්නායක නොවැම්බර් 14, කොළඹ LNW :
දිවයිනේ සියලු විශ්වවිද්‍යාල වල සියලු පීඨවලට, මෙවර උසස් පෙළ විභාගයෙන් විශ්වවිද්‍යාල ප්‍රවේශය සඳහා සුදුසුකම් ලබන අබාධිත සිසුන් ඇතුළත් කර ගැනීමට තීරණය කර ඇති බව අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න මහතා සඳහන් කළේ ය.
උසස් අධ්‍යාපනය පිළිබඳ පාර්ලිමේන්තු උපදේශක අනුකාරක සභාවේ අනුමැතිය ඊට හිමිවූ බවත්, ඒ අනුව මෙවර උසස් පෙළ විභාගයේ ප්‍රතිඵල මත අබාධිත සිසුන්ට එම අවස්ථාව හිමිවන බව ඔහු පැවසීය. මෙතෙක් අබාධිත සිසුන් ඇතුළත් කර ගැනුණේ විශ්වවිද්‍යාලවල පීඨ 4 ක් සඳහා පමණයි.
