රෂිකා හෙන්නායක නොවැම්බර් 29, කොළඹ LNW :
අයහපත් කාලගුණ තත්ත්වය තුළ දිවයින පුරා මහජනතාව ආපදාවන්ට පත්ව ඇති අවස්ථාවේ රාජ්‍ය නිලධාරීන් ක්‍රියා කළ යුතු ආකාරය පිළිබඳව අල්ලස් හෝ දූෂණ විමර්ශන කොමිෂන් සභාවේ අධ්‍යක්ෂ ජනරාල් විසින් සිදුකර ඇති බවට වන ප්‍රකාශයක් සමාජ මාධ්‍ය තුළ සංසරණය වෙමින් පවතී.
මෙවැනි කිසිදු ප්‍රකාශයක් අල්ලස් හෝ දූෂණ විමර්ශන කොමිෂන් සභාවේ අධ්‍යක්ෂ ජනරාල් විසින් සිදුකර නොමැති බව කොමිෂන් සභාවේ අධ්‍යක්ෂ ජනරාල් විසින් දන්වා සිටී.
ශ්‍රී ලාංකික ජනතාව මුහුණ දී ඇති මෙම දැඩි ව්‍යසනකාරී තත්ත්වය තුළ තවදුරටත් ඔවුන් අපහසුතාවයට පත් කරවනු ලබන මෙවැනි අසත්‍ය තොරතුරු ප්‍රචාරය කිරීමෙන් වැළකී සිටින ලෙස ද ඉල්ලා සිටී.
