රෂිකා හෙන්නායක දෙසැම්බර් 05 , කොළඹ LNW :
පානදුර ප්‍රදේශයේ පුද්ගලයෙකු විසින් සිදුකළ පැමිණිල්ලක් මත සිදු කරන ලද විමර්ශනයකට අදාළව , අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරියෙකු ලෙස ව්‍යාජ හැඳුනුම්පත් සහ ව්‍යාජ ලිපි ශීර්ෂ සකස් කළ පුද්ගලයෙකු අත්අඩංගුවට ගෙන තිබෙන බව වාර්තා වේ..
එලෙස අත්අඩංගුවට ගෙන ඇත්තේ පානදුර, ගොරකපොල ප්‍රදේශයේ පදිංචි පුද්ගලයෙක් බව පැවසේ.
අදාල සැකකරු පානදුර නගරයේ බස් නැවතුම්පල ඉදිරියේදී අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරින් විසින් අත්අඩංගුවට ගෙන තිබෙන අතර, අත්අඩංගුවට ගත් සැකකරු කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිත බව පැවසේ.
