වැඩබලන ජනාධිපති රනිල් වික්‍රමසිංහ මහතාව එම තනතුරින් ඉවත් කිරීම සඳහා මේ දින දෙක තුළ බරපතළ ක්‍රියාමාර්ග ගැනීමට බලාපොරොත්තු වන බව අන්තර් විශ්වවිද්‍යාලයීය ශිෂ්‍ය බලමණ්ඩලයේ කැඳවුම්කරු වසන්ත මුදලිගේ මහතා පවසයි.
ඒ අනුව ජුලි 18 – 19 දෙදින තුළ ආසන්න නගරවලට පැමිණ විරෝධතා පවත්වන ලෙස ජනතාවගෙන් ඉල්ලා සිටින පැවසූ ඒ මහතා ගෝඨාභය රාජපක්ෂ මහතාව ජනාධිපති ධුරයෙන් ඉවත් කිරීමට හැකිවූයේත් මුළු රටම අරගල භූමියක් බවට පරිවර්තනය කිරීමෙන් බවත් සඳහන් කළේය.
වසන්ත මුදලිගේ මහතා මේ බව පැවසුවේ වෘත්තීය සමිති සහ බහුජන සංවිධාන එකමුතුව සමග ඊයේ (17) පැවති සාකච්ඡාවකින් අනතුරුව මාධ්‍ය හමුවක් පවත්වමිනි.
RN
