කොළඹ ජාතික රෝහලේ නියෝජ්‍ය අධ්‍යක්ෂ, වෛද්‍ය රුක්ෂාන් බෙල්ලන මහතාගේ වැඩ තහනම් කිරීමට සෞඛ්‍ය අමාත්යාංශය කටයුතු කර තිබේ.
අනුමැතියකින් තොරව මාධ්‍ය වෙත ප්‍රකාශ ලබාදීමේ චෝදනාව යටතේ මෙසේ ඔහුගේ වැඩ තහනම් කරන බව සෞඛ්‍ය හා ජනමාධ්ය අමාත්යාංශයේ වැඩබලන ලේකම්වරයා විසින් ඊයේ (18) දිනයේදී ලිඛිතව දැනුම් දී ඇත.
වෛද්‍ය රුක්ෂාන් බෙල්ලන මහතා පසුගිය සතියේදී මාධ්‍ය වෙත ප්‍රකාශ කර තිබුණේ කොළඹ ජාතික රෝහලේ බරපතළ වංචා, දූෂණ හෙළිදරව් කිරීම නිසා පළිගැනීමක් වශයෙන් තමන්ගේ වැඩ තහනම් කිරීමේ සූදානමක් පවතින බවකි.
රුක්ෂාන් බෙල්ලන මහතා රජයේ වෛද්‍ය නිලධාරීන්ගේ සංසදයේ (GMOF) සභාපතිවරයා ද වෙයි.
