හිටපු මහබැංකු අධිපති අජිත් නිවාඩ් කබ්රාල් මහතාට එරෙහිව පනවා ඇති විදෙස් ගමන් තහනම ඔක්තෝබර් 26 වනදා දක්වා දීර්ඝ කිරීමට කොළඹ මහේස්ත්‍රාත් අධිකරණය අද (25) නියෝග කර තිබේ.
හිටපු ආණ්ඩුකාර රජිත් කීර්ති තෙන්නකෝන් මහතා විසින් ගොනු කරන ලද පැමිණිල්ලක් අද කැඳවූ අවස්ථාවේදී කොළඹ අතිරේක මහේස්ත්‍රාත් හර්ෂණ කැකුණවල මහතා විසින් මෙම නියෝගය නිකුත් කරන ලදී.
2006 වසරේ සිට 2015 කාලය දක්වා මහ බැංකු අධිපතිවරයා ලෙස කටයුතු කර ඇති අවධියේ අමාත්‍ය මණ්ඩලයේ හෝ මූල්‍ය මණ්ඩලයේ අනුමැතියකින් තොරව ඇමරිකාවේ සුබේරි නැමැත්තෙකුට ඇමරිකානු ඩොලර් මිලියන 6.5ක් ගෙවීම, 2022 වසරේදීද මහ බැංකු අධිපතිවරයා වශයෙන් කටයුතු කළ සමයේ පසුගිය ජනවාරි 18 වැනිදාට කල්පිරිය යුතු ස්වෛරී බැඳුම්කර තුළින් මෙරටට ඇමරිකානු ඩොලර් මිලියන 500ක පාඩුවක් සිදුකිරීම,මහ බැංකු අධිපතිවරයා වශයෙන් කටයුතු කළ සමයේ සිය සමීප ඥාතීන් තනතුරු සඳහා පත්කර රහස්‍ය තොරතුරු පිටකිරීම හරහා භාණ්ඩාගාර බිල්පත් හා බැඳුම්කර නිකුතු වලින් රු. බිලියන 10.04ක පාඩුවක් සිදුකිරීම යන චෝදනා අජිත් නිවාඩ් කබ්රාල් මහතාට එරෙහිව ගොණු කර තිබේ.
RN
