යුද හමුදා ස්වේච්ඡා බලකා ක්රීඩා උළෙල පැවත්වෙන දියගම මහින්ද රාජපක්ෂ ක්රීඩාංගණයේදි තුන් පිම්ම ඉසව්වෙන් නව ශ්රී ලංකා වාර්තාවක් තැබීමට ශ්රේෂාන් ධනංජය සමත් වුණා.ඒ තමන්ගේම ජාතික වාර්තාව ලෙස පැවති මීටර් 16.71 ක් වූ දුර ප්රමාණය මීටර් 16.77 ක් දක්වා සෙන්ටි මීටර් හයකින් ඉදිරියට ගෙන යමින්.
මේ මොහොත වන විට පොදු රාජ්ය මණ්ඩලීය තරගාවලිය නියෝජනය කරන සාංරගි ද සිලාවා සමඟ කටාර් හි පුහුණුව ලැබ පැමිණි ශ්රේෂාන් ඒ පුහුණුවේ ප්රතිපල ප්රදර්ශනය කිරීමට අවස්ථා කිහිපයකදීම උත්සාහ ගත්තද,ඔහුට එම අවස්ථාව උදා කර ගැනීමට ඉඩ ලැබුණේ නැහැ.එසේ හැකියාවක් ලැබුණේනම් ඔහු මේ වන විට සාංරගි ද සමඟ බර්මින්හැම් හී සිටිය යුතුව තිබුණත් ඔහුට ලැබුණු අවස්ථා කිහිපයකින්ම ප්රතිපල ලබා ගැනීමට ශ්රේෂාන් අසමත්ව සිටියා.
නමුත් ඔහු තමාට පැනීම් ඉසව් ක්රීඩකයේ ලෙස අත්දැකීම් සමඟ ඉදිරියට යාමට ඇති කාලය ගැන අවබෝධයෙන් සිය පුහුණුකරු චාමර නුවන් ගමගේ නම් වූ හිටපු පැනීම් සූරයා සමඟ එක්ව යළි රිද්මයට පැමිණ ඊයේ (අගෝස්තු 4) දියගම ක්රීඩාංගණයේදී වාර්තා අලුත් කරමින් මීටර් 16.77 ක පිම්මක් ක්රියාත්මක කළා.
ආසන්න කාලයක,ආසන්න වයස්වල සිටි සහ පන්නල ප්රදේශයේම දෙදෙනෙක් වන යුපුන් සහ ශ්රේෂාන් ජෝෂප් වාස් විද්යාලය නියෝජනය කරමින් ආසන්න වයස් කාණ්ඩ දෙකකින් එකම කාලයේ තරඟවැදී දෙදෙනෙකි.එවන් යුපුන් බර්මින්ග්හැම් හී ද ශ්රී ලංකාවට පොදු රාජ්ය මණ්ඩලීය පදක්කමක් දිනා දී මොහොතකට පසු ශ්රේෂාන් සිය ඉසව්වේ නව ජාතික වාර්තාවක් තැබීම අපූරු සිඳුවීමක්ය.
RM
