රාත්‍රිය උදාවනතුරු
මේ දූපතේ, දූපත් වාසීන්
තද නින්දේය !
නිහහඬ බව බිඳ
නිසොල්මන් දහවලෙහි
ඝෝෂාකාරී සැන්දෑව ඇරඹෙයි !
නිදාහුන් තුරුපත් ඇහැරෙයි
සියොතුන් පියාපත් පිස ලයි
මකරන්ද විදහා දළ පත්‍ර විහිදා
නොයෙක් නොයෙක් පුෂ්ප
අතු අග දිළිසෙයි !
රාත්‍රිය උදාවනතුරු
මේ දූපතේ, දූපත් වාසීන්
තද නින්දේය !
ආලෝකයෙන් වෙන්වුනු පසු
අඳුරෙහි ප්‍රීතිමත් දෑස් බැබලෙයි !
චන්ද්‍රාලෝකයක් වැටෙන දවසට
මේ දූපතම සැනකෙළි සිරියයි !
ඇවිදයන මග දෙපස රැස්වන
වළාකුළු සහ පිණිබිඳු
අහස පොළොව අතරෙහි බැඳීම
පවත්වාගෙන යෑමේ වගකීම
දරන්නේ ද කැමැත්තෙනි !
රාත්‍රිය උදාවනතුරු
මේ දූපතේ, දූපත් වාසීන්
තද නින්දේය !
මා මේ ඔබට අමතන්නේ
එහි සිටය !
~ MKCP ශෂීන්
