මේ වනවිට සිංගප්පූරුවේ රැඳී සිටින හිටපු ජනාධිපති ගෝඨාභය රාජපක්ෂ මහතා හෙට (11) දිනයේදී තායිලන්තය වෙත ගමන් කරන බව ජාත්‍යන්තර මාධ්‍ය වාර්තා කරනවා.
ජුලි 09 වැනිදා ඇති වූ විරෝධතා හමුවේ රටින් පළාගිය ගෝඨාභය රාජපක්ෂ මහතා දින කිහිපයක් මාලදිවයිනේ රැඳී සිටි අතර ඉන් අනතුරුව ඔහු සිංගප්පූරුව බලා පිටත්ව ගියේය. මාසයකට ආසන්න කාලයක් තිස්සේ ඔහු සිංගප්පූරුවේ රැඳී සිටී.
සති දෙකක කාලයක් සඳහා ඔහුට සිංගප්පූරුවෙන් වීසා ලබාදුන් අතර එම වීසා කාලය ඉක්මයා‌මෙන් පසුව තවත් සීමිත කාලයකට ඔහුගේ වීසා කාලය දීර්ඝ කෙරිණි.
මේ අතර ගෝඨාභය රාජපක්ෂ මහතා නුදුරේදීම ශ්‍රී ලංකාවට පැමිණීමට සූදානමින් සිටින බවද මාධ්‍ය වාර්තා කරයි.
UN
