රෂිකා හෙන්නායක පෙබරවාරි 14, කොළඹ LNW :
“ඉන්දු-පාකිස්තාන ද්විපාර්ශ්වික සබඳතා නැවත ආරම්භ කිරීමට ශ්රී ලංකාව මධ්යස්ථානයක් ලෙස යොදා ගත හැකියි. -නාමල් රාජපක්ෂ
ඉන්දියාව සහ පාකිස්තානය අතර ද්විපාර්ශ්වික සබඳතා නැවත ආරම්භ කිරීම සඳහා ශ්රී ලංකාව මධ්යස්ථානයක් ලෙස යොදා ගත හැකි බව ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ පැවසීය.
ඉන්දියාවේ NDTV නාලිකාව සමඟ සම්මුඛ සාකච්ඡාවකට එක්වෙමින් නාමල් රාජපක්ෂ සඳහන් කරන්නේ, ක්රිකට් ක්ෂේත්රයේ පාකිස්තානයේ මෑතකාලීන ගැටලුකාරී තත්වයන් සහ කලාපීය රාජ්යතාන්ත්රික කටයුතුවලදී ක්රීඩාව සතුව පුළුල් කාර්යභාරයක් පවතින බවයි.
ශ්රී ලංකාව ඉන්දියාව සහ පාකිස්තානය යන රටවල් ද්විත්වය සමඟම සමීප සබඳතා පවත්වාගෙන යන බවත්, සාකච්ඡා සඳහා පහසුකම් සැලසීමට සුදුසු ස්ථානයක සිටින බවත් නාමල් රාජපක්ෂ පැවසීය.
“අපි ක්රිකට් ක්රීඩාව දේශපාලන මාධ්යයක් ලෙස නොව ක්රීඩාවක් ලෙස විශ්වාස කරනවා. අපි දේශපාලනය සමඟ ක්රීඩාව මිශ්ර නොකළ යුතුයි,” ක්රීඩා කටයුතු දේශපාලන ආතතීන්ගෙන් වෙන්ව තබාගැනීමේ අවශ්යතාවය මෙහිදී නාමල් රාජපක්ෂ අවධාරණය කළේය.
ආර්ථික වර්ධනය සහ ආරක්ෂාව සඳහා අසල්වැසි රටවල් අතර සහයෝගීතාවය අත්යවශ්ය බව අවධාරණය කරමින්, විශේෂයෙන් ඉන්දියානු සාගර කලාපයේ කලාපීය ස්ථාවරත්වයේ වැදගත්කම පිළිබඳව ද ඔහු පෙන්වා දුන්නේය.
