රෂිකා හෙන්නායක පෙබරවාරි 16, කොළඹ LNW :
ජාත්යන්තර මූල්ය අරමුදලේ කළමනාකාර අධ්යක්ෂිකා ක්රිස්ටලීනා ජෝර්ජියේවා මහත්මිය දෙදින නිල සංචාරයක් සඳහා අද (16) දින දිවයිනට පැමිණීමට නියමිතයි.
ඇය සිය සංචාරය අතරතුර රජයේ ඉහළ පෙළේ නියෝජිතයන් සහ ප්රධාන පාර්ශවකරුවන් හමුවී ද්විපාර්ශ්වික සාකච්ඡා පැවැත්වීමට නියමිතය.
මෑතකදී ඇති වූ දිට්වා සුළි කුණාටුවෙන් සිදුවූ හානිය සෘජුවම නිරීක්ෂණය කිරීම ද ඇයගේ මෙම ගමනේ එක් ප්රධාන අරමුණකි.
ශ්රී ලංකාව පවතින අසීරු තත්ත්වයෙන් මුදාගෙන ආර්ථිකය යථා තත්ත්වයට පත් කිරීම සඳහා ලබාදිය හැකි සහයෝගය පිළිබඳව මෙහිදී විශේෂ අවධානයක් යොමු කෙරේ.
සියලු ශ්රී ලාංකිකයන් වෙනුවෙන් වඩාත් ශක්තිමත් අනාගතයක් ගොඩනැගීමට ජාත්යන්තර මූල්ය අරමුදලට දායක විය හැකි ක්රමවේද මෙහිදී සාකච්ඡා කිරීමට අපේක්ෂිතය.
මෙම රාජ්යතාන්ත්රික සංචාරය රටේ ආර්ථික ප්රකෘතිමත් වීම සඳහා තීරණාත්මක පියවරක් ලෙස සැලකිය හැකිය.
