මතභේදයට තුඩු දී ඇති චීනයේ යුවාන් වැන්ග් 5 පර්යේෂණ නෞකාවට හම්බන්තොට වරායට ඇතුළුවීමට අවසර ලබා දිය යුතු බව ස්වාධීන පක්ෂ එකමුතුව නිවේදනයක් නිකුත් කරමින් පවසයි.
ශ්‍රී ලංකා චීන සබදතා රැකගෙන ද්වීපාර්ශ්වීය සබදතා ආරක්ෂා වන සේ රාජ්‍ය තාන්ත්‍රික ක්‍රම මගින් මතු වී ඇති ගැලුව විසදා ගැනීමට කඩිනමින් ක්‍රියා කරන ලෙසයි ඔවුන් රජයෙන් ඉල්ලා සිටින්නේ.
ජාතික නිදහස් පෙරමුණේ නායක විමල් වීරවංශ, ප්‍රජාතන්ත්‍රවාදී වාමාංශික පෙරමුණේ ප්‍රධාන ලේකම් වාසුදේව නානායක්කාර, පිවිතුරු හෙළ උරුමයේ නායක උදය ගම්මන්පිල ඇතුළු ස්වාධීන කණ්ඩායම් නියෝජිතයන් 08 දෙනෙකු විසින් මෙම නිවේදනය නිකුත් කර ඇත.
ASK