දැනට බිඳවැටී ඇති නොරොච්චෝලේ තාප බලාගාරයේ පළමු ජනන යන්ත්‍රය නැවතත් පද්ධතියට එක් කිරීමට තවත් සති දෙකක පමණ කාලයක් ගතවනු ඇති බව ලංකා විදුලිබල මණ්ඩලයේ ඉංජිනේරු සංගමය පවසයි.
එහි දෝෂය හඳුනාගැනීම සඳහාත් තවත් දින තුනක් පමණ ගතවනු ඇති බවයි එම සංගමයේ ලේකම් යූ. ජී. නිශාන්ත මහතා සඳහන් කළේ.
එම බලාගාරය ස්ථාපිත කර වසර 12ක් ගතව ඇතත් තවමත් එහි නඩත්තු කටයුතු සිදුකරන්නේ චීන ජාතික ඉංජිනේරුවන් විසින් පමණක් බවත් ඒ මහතා පෙන්වා දුන්නේය.
නොරොච්චෝලේ තාප බලාගාරයෙහි පළමු ජනන යන්ත්‍රය අක්‍රිය වුණේ පසුගිය සඳුදා (15) දිනයේදී ය. එහි දෙවැනි ජනන යන්ත්‍රය මීට මාසයකට පමණ පෙර සිට නඩත්තු කටයුත්තක් වෙනුවෙන් අක්‍රිය කර තිබේ. ඒ අනුව මෙම යන්ත්‍ර දෙක අක්‍රියව පැවතීම හේතුවෙන් ජාතික පද්ධතියට අහිමිව ඇති විදුලි ධාරිතාව මෙගාවොට් 630කි.
RN
