රෂිකා හෙන්නායක මාර්තු 17 ,ලෝකය (අවුට්බවුන්ඩ් ටුඩේ):
පකිස්ථානය විසින් ඇෆ්ගනිස්ථානයේ කාබුල් අගනුවර පිහිටි මත්ද්‍රව්‍ය පුනරුත්ථාපන මධ්‍යස්ථානයකට එල්ල කළ ගුවන් ප්‍රහාරයකින් පුද්ගලයන් 400 දෙනෙකු මියගොස් ඇති බව විදෙස් මාධ්‍ය වාර්තා කරයි.
මෙම ප්‍රහාරය සිවිල් වැසියන් ඉලක්ක කරගත් මානුෂීය විරෝධී ක්‍රියාවක් බවට තලේබාන් පාලනය චෝදනා කළද, පකිස්ථානය පවසන්නේ තමන් ඉලක්ක කළේ ත්‍රස්තවාදී යටිතල පහසුකම් සහ අවි ගබඩා පමණක් බවයි.
“ඔපරේෂන් ගසාබ් ලිල්-හක්” නමින් හැඳින්වෙන මෙම යුද මෙහෙයුම හරහා දෙරට අතර පවතින දේශසීමා ගැටුම් තවදුරටත් උග්‍ර වී ඇත.
පකිස්ථානයට එරෙහිව ක්‍රියාත්මක වන සටන්කාමී කණ්ඩායම්වලට ඇෆ්ගනිස්ථානය සහාය දක්වන බවට ඉස්ලාමාබාද් පාලනය දිගින් දිගටම චෝදනා කරයි.
කලාපීය ස්ථාවරත්වය වෙනුවෙන් දෙපාර්ශ්වයම සාකච්ඡා මාර්ගයෙන් විසඳුමකට එළඹිය යුතු බව චීනය ඇතුළු ජාත්‍යන්තර ප්‍රජාව මෙහිදී අවධාරණය කර සිටී.
එක්සත් ජාතීන්ගේ ආරක්ෂක මණ්ඩලය සහ මානව හිමිකම් සංවිධාන මෙම විනාශකාරී සිදුවීම පිළිබඳව දැඩි අවධානයෙන් පසුවෙයි.
