ආචාර්ය උදය ශ්‍රී කාරියවසම් මහතා ශ්‍රී ලංකා පොලිස් දෙපාර්තමේන්තුව වෙත විශේෂ ලිපියක් යොමුකර තිබේ.
සාමාන්‍ය පුරවැසියෙකු ලෙස ඔහු එය පොලිස්පතිවරයා වෙත යොමුකර තිබෙන අතර ජනතා බදු මුදලින් යැපෙන රජයේ ආයතනයක් ලෙස ශ්‍රී ලංකා පොලීසිය වෙතින් පෙරළා මහජනතාවට සේවයක් සැලසෙන්නේ දැයි යන්න එහි අවධානය යොමුකර ඇත.
රට තුළ නීතියේ ආධිපත්‍ය පවත්වාගෙන යාමට බැඳී සිටින රජයේ ආයතනයක් ලෙස පොලීසිය දැක්වුවද නීතිය උල්ලංඝනය වන්නේ ඔවුන් තුළින්ම නම් එය නීතියේ ආධිපත්‍ය බිඳ වැටිමක් බව කාරියවසම් මහතා පෙන්වා දෙයි.
එමෙන්ම මහජන බදු මුදලින් නඩත්තු වන පොලීසිය මහජනයාට නිදහස්ව සහ සාමකාමීව ජීවත්වීමට සුදුසු පරිසරයක් තහවුරු කිරීමට අපොහොසත් නම් එය පොලිස් දෙපාර්තමෙතුවට වැය කරන මහජන බදු මුදල් කිසිසේත්ම සාධාරණීකරණ කළ නොහැකි බවයි ඔහු අවධාරණය කරන්නේ.
කෙසේවෙතත් පොලිස් දෙපාර්තමේන්තුවේ ඵලදායිතාව ඉහළ නංවා ගැනීමට කිසියම් සහයෝගයක් අවශ්‍ය වන්නේ නම් කිසිදු මුදලක් අයනිකර එම සේවය ලබා දීමට හැකි බවද උදය ශ්‍රී කාරියවම මහතා එම ලිපියේ දක්වා ඇත.
උදය ශ්‍රී කාරියවසම් මහතා මේ වන විට රාජ්‍ය උකස් හා ආයෝජන බැංකුවේ සභාපතිවරයා ලෙස සේවය කරමින් පසුවෙයි.
