රෂිකා හෙන්නායක අප්රේල් 07 ,ලෝකය (අවුට්බවුන්ඩ් ටුඩේ):
තුර්කියේ ඉස්තාන්බුල් නුවර පිහිටි ඊශ්රායල කොන්සල් කාර්යාලය අසල සිදුවූ වෙඩි තැබීමේ සිද්ධියක් පිළිබඳව විදෙස් මාධ්ය තොරතුරු වාර්තා කරයි.
මෙම ප්රහාරය එල්ල කළ පුද්ගලයන් තිදෙනාම ආරක්ෂක අංශ විසින් එල්ල කළ ප්රතිප්රහාර හමුවේ ජීවිතක්ෂයට පත්ව ඇති බව එහි සඳහන් වේ.
සිද්ධිය අතරතුර පොලිස් නිලධාරීන් දෙදෙනෙකු තුවාල ලබා ඇති අතර, සිද්ධිය වන අවස්ථාවේ එම ගොඩනැගිල්ල තුළ ඊශ්රායල රාජ්ය තාන්ත්රිකයන් කිසිවෙකු රැඳී සිට නැත.
ජනාකීර්ණ ව්යාපාරික කලාපයක සිදුවූ මෙම ප්රහාරයට හේතුව හෝ ප්රහාරකයන්ගේ අනන්යතාවය මෙතෙක් අනාවරණය වී නොමැති බව වාර්තාව පෙන්වා දෙයි.
කලාපීය වශයෙන් පවතින යුදමය නොසන්සුන්තාවයන් මධ්යයේ මෙම සිදුවීම වාර්තා වී ඇති බව වැඩිදුරටත් සඳහන් වේ.
