සටහන: සශිකලා මධුෂාණි
අප්රේල් මස 07; ලෝකය(අවුට්බවුන්ඩ් ටුඩේ): ඉරානය සමග සියළු රාජ්ය තාන්ත්රික සබඳතා අවසන් කරමින් එක්සත් ජනපද ජනාධිපති ඩොනල්ඩ් ට්රම්ප් විසින් සිය සමාජ මාධ්ය හරහා ඉතා දැඩි අනතුරු ඇඟවිමක් ඉරානයට යොමුකර තිබේ.
එනම්, “අද රාත්රියේ ඉරානයේ මුළු ශිෂ්ටාචාරයක්ම මිය යනු ඇත, නැවත කිසිදා ආපසු නොඑනු ඇත.මට එය සිදුවීමට අවශ්ය නැත, නමුත් එය බොහෝ විට සිදුවනු ඇත. ලෝකයේ දිගු හා සංකීර්ණ ඉතිහාසයේ වැදගත්ම අවස්ථාවන්ගෙන් එකක් වන අද රාත්රියේ අපි අවසන් කරමු. කප්පම් ගැනීම්, දූෂණය සහ මරණය වසර 47 ක් අවසානයේ අවසන් වනු ඇත. ඉරානයේ ශ්රේෂ්ඨ ජනතාවට දෙවියන්ගේ ආශිර්වාදය! යනුවෙණි.
මිට ප්රතිචාර වශයෙන් ඉරාන රජය නිවේදනය කර තිබුණේ, එක්සත් ජනපදය ඉරානයේ විදුලි බලාගාරවලට පහර දුන්නොත්, මුළු කලාපයම සහ සෞදි අරාබියම සම්පූර්ණයෙන්ම අන්ධකාරයට වැටෙනු ඇති බවත්, තත්වය පාලනයෙන් තොර වුවහොත්, ඉරානයේ මිත්ර පාක්ෂිකයින් බාබ් එල්-මැන්ඩෙබ් සන්දියද වසා දමනු ඇති බවත්ය.
