ආශිකා බ්‍රාහ්මණ
කොළඹ LNW:ඉරාන වරායන් අවහිර කිරීම සඳහා ඇමරිකාව වෙත සහය නොදෙන බවට බ්‍රිතාන්‍ය පවසා තිබේ.
මේ සම්බන්ධයෙන් ජාත්‍යන්තර මාධ්‍ය පෙන්වා දෙන්නේ ඉරාන වරායන් අවහිර කිරීම සඳහා බ්‍රිතාන්‍ය නාවික නැව් සහ සොල්දාදුවන් භාවිතා නොකරනු ඇති නමුත් එක්සත් රාජධානියේ බිම්බෝම්බ ඉවත් කරන්නන් සහ ඩ්‍රෝන් විරෝධී හැකියාවන් කලාපය තුළ දිගටම ක්‍රියාත්මක වනු ඇති බවයි.
“ගෝලීය ආර්ථිකයට සහ මව්බිමේ ජීවන වියදමට සහාය වීම සඳහා හදිසි අවශ්‍යතාවයක් වන නාවික නිදහස සහ හෝමූස් සමුද්‍ර සන්ධිය විවෘත කිරීම සඳහා අපි දිගටම සහාය දෙමු.” යනුවෙන් බ්‍රිතන්‍ය පවසා තිබේ.
පාකිස්ථානයේ ඉස්ලාමාබාද්හි පැවති ඇමරිකා සහ ඉරාන සාම සාකච්ජා බිඳ වැටුණු පසුබිමක නැවත දරුණු සටන ඇවිලීමේ ප්‍රවණතාවක් මතුව තිබෙන අතර ජනාධිපති ඩොනල්ඩ් ට්‍රම්ප්ගේ නියෝග මත අද(13) සිට ඉරාන වරායන් සහ වෙරළබඩ ප්‍රදේශවලට ඇතුළු වන සහ පිටවන සියලුම සමුද්‍රීය ගමනාගමනය අවහිර කිරීම ආරම්භ කරන බව එක්සත් ජනපද හමුදාව ප්‍රකාශ කර තිබේ.
සාකච්ජා බිඳවැටීමෙන් පසු ජනාධිපති ට්‍රම්ප් පවසා තිබුණේ නිසි වෙලාවේදී ඉරානයට විනාශය ගෙන දෙන බවයි.
