රෂිකා හෙන්නායක අප්‍රේල් 19 ,ලෝකය (අවුට්බවුන්ඩ් ටුඩේ):
යේමනයේ මධ්‍යම බැංකුව දේශීය මුදල් ඒකකය ස්ථාවර කිරීමට ගත් පියවර හේතුවෙන් එරට තුළ මේ වන විට දරුණු මූල්‍ය ද්‍රවශීලතා අර්බුදයක් හටගෙන ඇත.
රියාල් මුදල් ඒකකයේ අගය පහත වැටීම පාලනය වුවද, වෙළඳපොළේ පවතින දේශීය මුදල් හිඟය නිසා විදේශ මුදල් මාරු කර ගැනීමට නොහැකිව ජනතාව දැඩි පීඩාවට පත්ව සිටිති.
මෙහි ප්‍රතිඵලයක් ලෙස ව්‍යාපාරික කටයුතු අඩාල වී ඇති අතර, රෝහල් ගාස්තු ගෙවීමට සහ එදිනෙදා අවශ්‍යතා සපුරා ගැනීමට පවා ජනතාවට දැඩි දුෂ්කරතාවන්ට මුහුණ දීමට සිදුව ඇත.
මෙම තත්ත්වය මඟහරවා ගැනීමට ජනතාව විවිධ විකල්ප ක්‍රමවේද භාවිත කළද, ග්‍රාමීය ප්‍රදේශවල පවතින තත්ත්වය වඩාත් බරපතළ වී තිබේ.
රජයේ සේවකයින්ට කුඩා වටිනාකමකින් යුත් නෝට්ටු මගින් වැටුප් ගෙවීම සහ කළු කඩ ව්‍යාපාරිකයින්ගේ සූරාකෑම් මෙම ආර්ථික අර්බුදය තවදුරටත් උග්‍ර කර ඇත.
