සටහන: සශිකලා මධුෂාණි
මැයි 07; ලෝකය(අවුට්බවුන්ඩ් ටුඩේ): පසුගිය සඳුදා(04) දින ඉන්දීය අගමැති නරේන්ද්‍ර මෝදිගේ හින්දු ජාතිකවාදී පක්ෂය බටහිර බෙංගාලයේ ප්‍රාන්ත මැතිවරණයේ ආසන 294න් 206ක් විශිෂ්ඨ ලෙස ජයග්‍රහණය කිරීමෙන් පසු ඇති වූ දේශපාලන නොසන්සුන්තාවය හේතුවෙන් අවම වශයෙන් පුද්ගලයින් හතර දෙනෙකු ජිවිතක්ෂයට පත්ව ඇති බව වාර්තා වේ.
මෙලෙස ජිවිතක්ෂයට පත්ව ඇත්තේ ඉන්දීය අගමැති නරේන්ද්‍ර මෝදිගේ පක්ෂයේ ඉහළ පෙළේ නායකයෙකුගේ සහායකයෙකුවන චන්ද්‍රනාත් රාත් ඇතුළු තවත් පුද්ගලයින් තිදෙනෙකුය.
ප්‍රතිඵල ප්‍රකාශයට පත් කිරීමෙන් පසු ප්‍රාන්ත අගනුවර වන කොල්කටා සහ අනෙකුත් බටහිර බෙංගාල දිස්ත්‍රික්කවල ප්‍රතිවාදී පක්ෂ ආධාරකරුවන් අතර ගැටුම් ඇති වූ බව පොලිසිය ප්‍රකාශ කර ඇති අතර ප්‍රචණ්ඩත්වය සම්බන්ධයෙන් ප්‍රාන්තය පුරා අපරාධ නඩු 200 කට වැඩි ප්‍රමාණයක් ලියාපදිංචි කර ඇති අතර පුද්ගලයින් 433 දෙනෙකු අත්අඩංගුවට ගෙන ඇත.
බටහිර බෙංගාලයට පශ්චාත් මැතිවරණ ප්‍රචණ්ඩත්වයේ ඉතිහාසයක් ඇති අතර, 2021 දී පෙර මැතිවරණවලදී ප්‍රතිඵල ප්‍රකාශයට පත් කිරීමෙන් පසු දේශපාලන පක්ෂ අතර ගැටුම් හේතුවෙන් විශාල ප්‍රමාණයක් ජිවිතක්ෂයට පත්ව ඇත.
